UEFA ka marrë vendimin përfundimtar për ndeshjen Shqipëri-Poloni. Insititucioni më i rëndësishëm europian i futbollit ka gjobitur Federatën Shqiptare të Futbollit me 44 mijë euro.
Ndezja e fishekzjarrëve dhe hedhja e sendeve të ndryshme në fushën e Air Albania gjatë zhvillimit të takimit kualifikues të Euro 2024 nuk i ka shpëtuar syve të UEFA-së dhe për këtë arsye ka ardhur gjoba prej 30 mijë euro, ndërsa 14 mijë euro duhet paguar për bllokimin e rrugëve publike.
Kujtojmë që takimi me Poloninë u ndërpre për pak çaste, për të rifilluar më pas. Shqipëria është në rrugën e mbarë për një kualifikim të mundshëm në Euro 2024, teksa deri më tani kryeson grupin me 10 pikë.
VENDIMET
SHQIPËRIA
Të gjobisë Federatën Shqiptare të Futbollit me 30,000 euro dhe të urdhërojë mbylljen e pjesshme të stadiumit të Federatës Shqiptare të Futbollit (pra e gjithë tribunës veriore dhe jugore) gjatë ndeshjes së ardhshme (1) të kompeticionit të UEFA-s në të cilën Federata Shqiptare e Futbollit luan si shoqatë pritëse, për ndezjen e fishekzjarrëve, hedhjen e sendeve dhe aktet e dëmtimit. Mbyllja e pjesshme e stadiumit në fjalë pezullohet për një periudhë prove prej dy (2) vitesh, duke filluar nga data e këtij vendimi.
Të gjobisë Federatën Shqiptare të Futbollit me 14,000 euro për bllokimin e kalimeve publike.
Të paralajmërojë Federatën Shqiptare të Futbollit për sjelljen e pahijshme të skuadrës së saj.
Të paralajmërojë Federatën Shqiptare të Futbollit për reklamimin e ndaluar të sponsorëve në çanta.
Të paralajmërojë Federatën Shqiptare të Futbollit për mosrespektimin e kërkesave minimale mjekësore.
Të paralajmërojë Federatën Shqiptare të Futbollit për organizimin e pamjaftueshëm dhe moszbatimin e një strategjie të duhur të ndarjes së biletave.
Të paralajmërojë Federatën Shqiptare të Futbollit për mediat e paautorizuara në fushë.
Polonia
Të gjobisë Federatën Polake të Futbollit me 15,000 euro dhe të ndalojë Federatën Polake të Futbollit që t’u shesë bileta tifozëve të saj jashtë vendit për ndeshjen e radhës (1), për hedhjen e objekteve dhe ndezjen e fishekzjarrëve. Kjo ndalesë për shitjen e biletave pezullohet për një periudhë provuese prej dy (2) vitesh, duke filluar nga data e këtij vendimi.
Të gjobisë Federatën Polake të Futbollit me 5000 euro për akte dëmtimi.
Të urdhërojë Federatën e Futbollit të Polonisë që të kontaktojë Federatën Shqiptare të Futbollit brenda 30 ditëve për shlyerjen e dëmeve të shkaktuara nga mbështetësit e saj, pra për karriget e thyera.
Të paralajmërojë Federatën Polake të Futbollit për sjelljen e pahijshme të ekipit të saj.
